Гонгорын бумбаны тахилга боллоо

Энэ жилийн Гонгорын бумбаны тахилга Төв аймгийн Дэлгэрхаан сумд байрлах Мишиг гүний хүрээ Норовчойнпэллин хийдтэй хамтран 2024 оны 8 дугаар сарын 7-ны өдөр дэлгэр сайхан боллоо. 

Хурал номын үеэр Норовчойнпэллин хийд Халх Х Богд Жавзандамба хутагтын лагшин хөргийг хүндэтгэлтэйгээр залж мандал өргөв. Мөн тус хийдийн гол шүтээн Гомбо сахиусыг тахив.

Тахилгад тус сумын иргэдээс гадна зэргэлдээ сумын сүсэгтэн олон, манай төвийн хамт олон, Улаанбаатар хотоос сүсэгтэн олон өргөнөөр оролцож буян хишгээ арвитгалаа.