"Сансарын хүрдний тийн номлол" номын нээлт боллоо

Зарлигийн ачит эрдэнэ (хэргийн тухай алдрыг нь өгүүлье) Г.Пүрэвдаваа багш маань энэ номыг олон түмэнд түгээх хэрэгтэй хэмээх зарлигийн дагуу төвөд хэлнээс чадан ядан Б.Дарамбазар миний бие орчуулж түмэнд түгээх ажил эхэлж буй нь энэ.

Ямар утга учиртай ном бэ? гэвэл товчдоо амьдралын утга учрыг дүрслэн зураглаж маш ойлгомжтой илэрхийлжээ. Энэ амьдралын байр байц, ирээдүйн төлөв байдлаа нэг шинжье гэвээс үүнийг уншихад илүүдэхгүй. Хүн хувь заяагаа өөрөө л бүтээх аж. Бидний бодол санаа, үг яриа, үйлдэл бүр нарийн зүй тогтлоор амьдралын төөрөг тавилан болж боловсрогдох ажээ. Сонирхъё гэвэл сансарын хүрдний иж бүрэн тайлбар энэ ном уг улбаатай хэлж өгөхөөс гадна, гэгээн ирээдүйгээ бүтээх гарц гаргалгаа, зүг чигийг нь хүртэл зааж өгчээ.

Гон Гандан Дэданлин Хийд-ийн Хамба лам тэргүүтэй хуврагууд болон Чухагт Эрдэнэ төвийнхөн хамтран сайн зохион байгуулсанд чинхүү талархсанаа илэрхийлье.

Номын үйлс дэлгэрэг.